Eh Ano Naman Ngayon? – Keber Lang!
I was about to post my first blog when a friend told me that I need to introduce myself first so the readers would somehow know my background. Hala straight English?!
– Eh ano naman ngayon?
Keber lang, lahat naman ng mga makakabasa siguro nito ay mga Pinoy kaya, walang kokontra, magta-Tagalog ako.
Syempre sinunod ko ang kanyang payo kaya heto ako ninanais na ipakilala ang aking sarili. JOCELLE JIMENEZ VILLAMOR ang full name ko. Jose at CELia ang mga pangalan ng magulang ko, no brainer ba? May tatlo akong kapatid pero ‘di ko na babanggitin ang mga pangalan nila, (hindi kasi sila mahilig sa showbiz) magpopost na lang ako ng pictures namin pero teka, pano ba gawin dito ‘yun? Facebook, mutilply, at friendster lang ang alam ko uploadan ng pictures kaya ngayon eto,nagmumukha akong alien sa wordpress.
– Eh ano naman ngayon?
Keber lang, mahilig naman akong mag-explore.
Mula elementarya, sa pampublikong paaralan na ako pinag-aral ng aking mga magulang. Nagtapos ako ng kolehiyo sa Pamantasan ng Lungsod ng Maynila sa kursong Bachelor in Mass Communication. Kinahiligan ko na ang pagsusulat mula noong high school. Sa kabutihang palad, o marahil naawa lang saken ang mga hurado, may mga kompetisyon sa pagsulat naman akong napanalunan. Ang tanong ko ngayon sa sarili ko, may magbabasa kaya ng mga nakakaumay at nakakaantok kong artikulo?
– Eh ano naman ngayon?
Keber lang, ang mahalaga mailabas ko ang kakaunting laman ng aking malikot na utak.
Jocellevillamor's Blog 